Elukka,
Eis Aktivitéiten gi geplangt a gehalen vun Animateuren déi schonn laang an pädagogeschen an/oder schouleschen Beräicher schaffen (oder geschafft hunn).
Eis Animateuren kombinéieren a deelen hiert Wëssen a Freed un der Natur an deenen eenzelnen Aktivitéiten.
Beruffsbedéngt hunn eis Aktivitéiten fir d’Kanner och ëmmer ee liicht educative Charakter woubäi mir eis Léift zu der Natur an zum Ëmgang mat der Natur an mat den Déieren mat vill Spill an Spaass un d’Kanner vermëttelen.
Gären organiséieren mir, fir Gruppen, och themenzentréiert Aktivitéiten op Demande.
Dir sidd interresséiert een , Ausfluch oder Kannergebuetsdag, bei eis ze plangen,
Zéckt net an schreift eis un! :-)
Opgepasst!
Dëst Joer bidden mir och verschidden Aktivitéiten an Zesummenarbescht mam Club Uewersauer un. Dës Aktivitéiten sinn gekennzeechnet. Fir déi Aktivitéiten soll een sech direkt bei hinnen an net iwert eisen Site umellen
Tel. 27 40 27 80
Mail: [email protected]
Merci fir ärt Verständnis
Ouschteraktivitéit
Sonndeg den
29. Mäerz 2026 vun 14:00-16:00
Ouschtere bei Elukka,
erliewe Kanner vill flott Aktivitéiten. Um Programm steet ënnert anerem Ouschtereeër fierwen mat Naturfarwen. Spilleresch gëtt eppes iwwert dat verschiddent Federvieh an d'Diversitéit vun den Eeër geléieren. Als Ofschloss dierf natierlech déi grouss Ouschtreeërsich net feelen, wou Kanner op engem Terrain vun 1 Hektar vill Leckereie fannen.
Och eis Schof, Hinger an den Ouschterhues si bei dëser Aktivitéit mat vun der Partie.
Präis: 30 € pro Kand
Der Natur op der Spuer
Samsdeg den
30 Mee 2026 (14:00-17:00)
Villes an der Natur ass net direkt vir eis Mënschen ze gesinn. Mee alles hannerléisst Spueren, esou zum Beispill den Ofdrock vun enger Déierenpatt. An dëser Aktivitéit léieren d'Kanner spilleresch mat oppenen Aaen duech Natur ze goen. Spueren fannen a liesen, Déieren am Buerdem an am Waasser entdecken a villes méi.
35€
Umellen beim CLUB UEWERSAUER
Mäin klenge Gaart
Samsdeg den
23 Mee 2026 (14:00-16:00)
Programm :
All Kand gestalt säin eegenen klengen Gaart mat deem Geméis wat him am Beschten schmaacht.
🥕🥬🫑🍅🥒
An fir rauszefannen wat dat ass schmaachen mir eis zesummen duerch verschidden Geméiszorten. 😋
Fir dass eist Geméis gutt wuessen kann kucken mir eis zesummen un:
- a wéi engem Buedem d‘Planzen am Beschten wuessen
- wat d‘Geméis nach alles brauch fir grouss ze ginn
- mat wat eis Planzen net sou frou sinn an
- op wat mir mussen oppassen,... ☀️🌧🌱
30 € pro Kand
Naturexperimenter
Samsdeg den
18.07.2026 vun 14-17Auer 35€ / Kand w.e.g. umellen beim CLUB UERWERSAUER
25.07.2026 vun 14:00-16:00
Dësen Mëtteg steet ennert dem Motto "Entdecken, Erfuerschen an Expérimentéieren"
Anhand vun verschiddenen spannenden Expérimenter an Spiller erliewen Kanner d'Natur mat allen Sënner.
Naturphänomener besser verstoen
25 € pro Kand
vum Kär zum Brout
Samsdeg den
12.09.2026 (10:00-14:00)
an dëser Aktivitéit gi mir op eng spannend Rees a fannen eraus wat alles geschitt bis mir e gutt Brout um Dësch hunn:
- Wat sinn dat fir Kären,
- wéi wuessen se,
- wéini a wéi ginn se geerntet an
- wéi ginn Kären zu Brout verschafft
Mat Spill a Spaass begi mir eis op dëse spannende Wee a natierlech baken mir och e leckert Brout
Dauer vun der Aktivitéit 4 Stonnen
40 € pro Kand
Alles ronderëm den Apel
Samsdeg den
26.09.2026 (14:00-16:00)
vir Kanner ab 6 Joer
Wann den Summer op en Enn geet, dréint sech bäi Elukka alles em den "Apel".
Programm :
- Äppel plécken a rafen
- Viz a Kompott maachen
- gutt Äppelpancakes um Féier
Präis:
25 € pro Kand
Trauliicht
Samsdeg den 31.10.2026 vun 14:00-16:00 Auer
vir Kanner ab 6 Joer
um Programm stinn:
D'Traditioun vun den Trauliichter opliewe loossen
zesumme schnëtzele mir Rommele
mir maache Stockbrock beim Feier an erziele Grujelgeschichten
25€ pro Kand
